Aðvörunarorð frá Jeremy Grantham

Öll eigum við okkar idol. Hvort sem það er T. Boone Pickens, John Bogle eða Meredith Whitney. Eða einhver allt annar eða önnur.

En í dag mælir Orkubloggarinn með frábæru viðtali við Jeremy Grantham á CNBC nú í vikunni sem leið. Nánast skuggalegt að hlusta á þennan aldna snilling: "The Fed has spent most of the last 15, 20 years manipulating the stock market whenever they feel the economy needs a bit of a kick".

Í stuttu máli sagt, þá líst honum alls ekki vel á stöðu mála og ennþá verr á þær aðgerðir sem bandaríski Seðlabankinn hefur gripið til. Hlutabréf séu almennt orðin alltof dýr vegna fáránlegrar stefnu bankans og ekkert annað yfirvofandi en hrun á hlutabréfamörkuðum.

Fyrir Orkubloggarann er þó ennþá athyglisverðara það sem Grantham segir um hrávörumarkaðinn. Til skemmri tíma virðist hann reyndar sammála bloggaranum um að hrávöruverð nú um stundir sé óeðlilega hátt og sé líklegt til að lækka. En til lengri tíma litið virðist Grantham sannfærður um yfirvofandi miklar hækkanir á hrávöruverði.  Hann er sem sagt ekki jafn bjartsýnn eins og Orkubloggarinn um að enn sé nóg af hrávörum í jörðu. "We're entering a period where we're running out of everything. The growth rate of China and India is simply - can't be borne by declining quality of - of resources. And - and I think we're in a period that I call a chain-linked-crisis in commodities."  

Nú vill svo til að Grantham er einn af þessum vísu öldnu og þrautreyndu mönnum sem Orkubloggarinn hlustar ætíð á af mikilli athygli. Nánast sýgur í sig hvert orð og íhugar. Og ekki er verra þegar það er ofurskutla eins og hún Maria Bartiromo sem tekur viðtalið. Og í fúlustu alvöru; bloggarinn hvetur alla lesendur Orkubloggsins til að gefa sér tíma til að hlusta á eða lesa þetta viðtal hennar við Jeremy Grantham. Hverrar mínútu virði.

Fyrir þá sem ekki þekkja til Grantham's er rétt að nefna að hann er einn stofnenda fjárstýringafyrirtækisins Grantham Mayo Van Otterloo (GMO) í Boston. Sem er með meira en 100 milljarða USD umhendis. Þannig að Jeremy Grantham er vanur að höndla með fjármuni og bera mikla ábyrgð gagnvart sínum viðskiptavinum. Hann er því enginn gasprari og vert að gefa orðum hans gaum.

Sem fyrr segir má sjá viðtalið á vef CNBC. Þeir sem frekar vilja lesa viðtalið, heldur en að hlusta á yfirvegaða rödd Grantham's, geta lesið viðtalið hér á vef CNBC. Einnig má skoða það m.a. á You Tube, þar sem það er nú að finna í þremur hlutum: 

 

 

 

Athugasemdir

[Ketill Sigurjónsson, 16.11.2010 kl. 08:29]

Ekki eru allir á því að einhver skortur verði á olíuframboði á næstunni:

Saudi Arabia: Peak Oil Forecasts Are Ridiculous Because We'll Keep Prices Cheap For A Very Long Time

http://www.businessinsider.com/saudi-arabia-were-going-to-keep-oil-prices-cheap-for-a-very-long-time-2010-11#comment-4ce202244bd7c82464030000

[Ívar Pálsson, 16.11.2010 kl. 22:35]

Sammála, Ketill. Viðtalið við Jeremy Grantham er bráðgott.

[Haraldur Baldursson, 23.12.2010 kl. 11:22]

Það sems maðurinn er að segja er vert að hafa í huga og sennilega bregðast við. Það sem undirstrikar mikilvægið....er að þarna er á ferðinni maður sem er með þeim mest sannfærandi sem ég hef heyrt í lengi...hann ber með sér þvílíkt "authority" að skilaboðin magnast upp.

[Ketill Sigurjónsson, 23.12.2010 kl. 13:53]

Meredith Whitney er önnur manneskja sem ég tek talsvert mark á. Hún álítur svart framundan fyrir bandarísk fylki og borgir. 2011 kann að reynast bandarísku efnahagslífi erfitt, þó svo á yfirborðinu virðist flest á réttri leið.

http://finance.fortune.cnn.com/2010/09/28/meredith-whitneys-new-target-the-states/

[Haraldur Baldursson, 23.12.2010 kl. 14:17]

MW er ekki að mála fallega framtíðarmynd heldur.
Erum við ekki í svipuðum vanda með t.d. skuldbindingar hins opinbera við lífeyrissjóði starsmanna sinna. Þessar skuldbindingar eru ekki sýnda á efnahagsreikningi og eru því fyrir margar sakir ósýnilegar og eru ekki notaðar í heilsufarsmælingum ríkis og sveitarfélaga.

Tilgangur þessara framsetninga virðist vera til fegrunar, frekar en til að sýna raunveruleikann.

Almennt erum við með of marga svarta kassa í samfélaginu. "Ríkið" upplifum við sem óþrjótandi uppsprettu fjár, sem okkur langar öllum að sækja fé úr.

Sjálfur held ég að vert sé að leggja eyrun skilaboð við hreyfinga eins og Teboðsins og skoða hvort ekki megi færa fé og ábyrgð í meiri mæli aftur til einstaklingana. Ég á ekki við að henda út samtryggingunni...en þessi braut forsjárhyggju er etv. kominn svolítið langt (en nú er ég dottinn langt út fyrir efni færslu þinnar ).