Dularfullu salthellarnir

iraq_soldiers

Hvað er betra til að koma hjólum efnahagslífsins á stað en nett stríðsátök? Hér kemur ein létt samsæriskenning. Hún gæti kallast "Dularfullu hellarnir" - en er reyndar ekki ein af bókum Enid Blyton heldur rammasta alvara:

Þið kannist við Strategic Petroleum Reserve (SPR)? Undanfarið hafa bandarísk stjórnvöld markvisst verið að auka þessar olíubirgðir, sem eru í raun neyðarbirgðir eða birgðir til að nota á neyðartímum. Hvað veldur þessari birgðaaukningu nú - líkt og eitthvað meiriháttar sé í undirbúningi?

x-files

Ég ætla ekki að spá fyrir um það. Þó maður kannski hallist að því að þetta sé hluti að undirbúningi árásar á Íran. Í staðinn ætla ég að fara örfáum orðum um þessar neyðarbirgðir Bandaríkjastjórnar af olíu. Sumpart minnir þetta meira á þátt úr X-files, fremur en raunveruleikann. Birgðir þessar eru að mestu geymdar neðanjarðar í gömlum salthellum undir suðurhluta fylkjanna Texas og Louisiana. SPR-olían eru mestu olíubirgðir sem nokkur ríkisstjórn í heiminum ræður yfir. Og það er Bandaríkjaforseti sem tekur ákvarðanir um þessar birgðir. Upphaflega var þeim komið á fót í kjölfar olíukreppunnar upp úr 1970. Um þetta segir nánar t.d. á vef bandaríska orkumálaráðuneytisins (www.fe.doe.gov/programs/reserves/index.html) og sérstökum vef um SPR (www.spr.doe.gov).

Opr_Desert_Storm

Glöggir menn hafa nú tekið eftir því að undanfarið hefur bandaríkjastjórn verið að bæta hátt í 70 þús. tunnum við birgðirnar á degi hverjum. Skv. lögunum um þessar birgðir (Energy Policy Act frá 2005) geta þær orðið allt að 1 milljarður tunna.

Fyrir 11. sept 2001 (árásina á World Trade Center) námu birgðirnar um 545 milljón tunnum, en eftir þá atburði fyrirskipaði Bush að auka birgðirnar í allt að 700 milljón tunnur. Í dag eru birgðirnar yfir 700 milljón tunnur og hafa aldrei í sögunni verið meiri! Og nú hefur bandaríska orkumálaráðuneytið þá opinberu stefnu að auka birgðirnar í nærri 730 milljón tunnur innan fárra mánaða. Enn fremur er lagabreyting núna til umfjöllunar hjá Bandaríkjaþingi þess efnis að auka birgðirnar í allt að 1,5 milljarða tunna. En af hverju þessi mikla aukning nú - og það þegar olíverðið er svo hátt?

Scully_and_Mulder

Þetta hefur vakið athygli, enda kostar slík aukning ca. 5 milljarða dollara (kaupa þarf olíuna og byggja upp nýjar geymslur fyrir allt magnið). Enn fremur eykur þetta þrýsting á að olía hækki enn meira. Og sú staðreynd er ekki beint til þess fallin að fá almenna Bandaríkjamenn til að brosa. Því eru þeir nú sífellt fleiri sem velta fyrir sér hvaða plön Bush og félagar séu að brugga. Hvað ætli Scully og Mulder myndu segja um þetta?


mbl.is Atvinnuleysi 5% í Bandaríkjunum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Georg P Sveinbjörnsson

Ekki veit þetta á gott og næsta víst að glæpagengið er eitthvað að prjóna, margir telja að þeir séu á fullu að undirbúa annað hryðjuverk á heimaslóðum, líklega með einhverskonar efnavopnadæmi sem mun skapa mikla skelfingu og þjappa bandaríkjamönnum á bak við stjórnvöld og gera réttlætingu á árás á Íran auðvelda. Margt bendir líka til þess að það verði jafnvel sett herlög vestra í beinu framhaldi af þessum heimatilbúnu atburðum...þeir eru í góðri æfingu í " false flag operations" þetta hyski.

Georg P Sveinbjörnsson, 2.5.2008 kl. 20:52

2 identicon

Skemmtileg síða hjá þér, hef verið að fylgjast með henni upp á síðkastið. 

Það verður skemmtilegt að fylgjast með þessu, og ég vona að þú fylgir þessu eftir í framtíðinni Ketill....

gfs (IP-tala skráð) 3.5.2008 kl. 00:45

3 Smámynd: SeeingRed

Gæti þetta verið í einhverjum tengslum við þá skuggalegu staðreynd að yfirvöld í Bandaríkjunum eru á undanförnum árum búin að koma sér upp um 800 fullbúnum og að mestu fullmönnuðum fangabúðum frekar laumulega í flestum ef ekki öllum ríkjum sem , fyrir hverja skyldi þær nú vera ætlaðar?

SeeingRed, 3.5.2008 kl. 03:09

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband