Síðasti dropinn?

Eftirspurn eftir olíu og spákaupmennska eru að skapa mikið fjör í bransanum í dag. Og nú verður spennandi að sjá hvort kaupæðið geri fjölmiðlana snartjúllaða. Eins og hér um árið þegar Gísli Marteinn og félagar í Kastljósinu voru með vikulega keppni i hlutabréfakaupum. Það var skömmu áður en netbólan sprakk í kringum aldamótin. Af einhverjum ástæðum hvarf þetta sérkennilega sjónvarpsefni þegjandi og hljóðalaust af skjánum, þegar hlutabréfaveislan hikstaði. Líklega var þetta Kastljósefni hámark fáránleikans sem þá ríkti í þjóðfélaginu.

Í gær birtist undarleg fyrirsögn á Eyjunni (www.eyjan.is): "Ótti um að olía heims sé að klárast farinn að hafa áhrif á verðið." Þetta er kannski rétt - eða hvað? Í reynd hefur olíuframboðið sjaldan eða aldrei verið meira en í dag. Að segja að olían sé að klárast er auðvitað ekkert annað en arfavitleysa.

Vissulega hefur framboðið af olíu lítið aukist síðustu 3 árin eða svo, þrátt fyrir aukna eftirspurn. Þetta veldur því að olíufyrirtækin - og þá sérstaklega Saudarnir - hafa það svo gott, að þeir eru ekkert að hlaupa til að auka framboðið einhver ósköp. Að svo stöddu. Enda vitað, að ef t.d. kæmi efnahagssamdráttur í Kína, eru líkur á að olíuverðið myndi lækka hratt. Og þá væri ekki gott að sitja upp með stórfelldar nýjar fjárfestingar í bransanum. En svo er það vissulega rétt að i reynd veit enginn hversu mikil olía er í Saudi Arabíu. Og það gerir menn svolítið taugaveiklaða. Og þá er gaman að búa til heimsenda-fyrirsagnir.

Umrædd frétt af Eyjunni er hér: http://eyjan.is/blog/2008/05/21/otti-um-ad-olian-fari-ad-klarast-er-byrjadur-ad-hafa-ahrif-a-verdid/ 

Verð á olíu yfir 133 dali

Athugasemdir

[haraldurhar, 22.5.2008 kl. 23:13]

    Rétt er það að ekki er verið að kreista síðasta olíudropann upp á yfirborðið, en framleiðslan hefur ekki vaxið þrátt fyrir stóraukna fjárfestingu í olíuiðnaðnum  á undanförnum árum.  Við erum að öllum líkindum búið að ná hámarksframleiðslu á olíu, og eitt er víst að nær öll auðunninn olía er þegar búið að dæla upp.  Varðandi Saudi Arabíu þá er athyglisvert að olíuforði þeirra í jörð er ávallt sá sami, þó dælt sé upp þar um 10 milljónum tunna´á dag.  Eitt er þó víst að olian sem þeir dæla upp í dag er ein sú erfiðasta í olíuvinnslu og jafnframt með hæsta brennisteinsinnihaldi, og ætti að seljast með stórum afslætti.

   Mín skoðun er sú að olía hækki umtalsvert á næstu misserum. og ekki tel eg ósennilegt að við sjáum 200 dollara fyrir nk. áramót.  Næstu vikur geri ég ráð fyrir lækkun næstu vikur, en haldi svo áfram í sama trend og hún hefur verið í síðustu mánuði.

[ESB, 23.5.2008 kl. 00:04]

ESB er leiðandi í orkumálum heimsins.