BIG business!

Í reynd er búið að skapa alþjóðlegt kerfi með kolefnisviðskipti. Sem merkir einfaldlega að það er búið að einkavæða andrúmsloftið. Í jákvæðasta skilningi. Þetta er reyndar ennþá eitt best varðveitta viðskiptaleyndarmál í heimi. Þ.e.a.s. markaðurinn er enn nánast á fósturstigi, vöxturinn næstu árin á eftir að verða hraður og möguleikarnir hreint magnaðir.

Viðskipti með kolefnisheimildir (carbon credits) námu rúmum 30 milljörðum USD árið 2006. Og 2007 voru þau tvöfalt meiri eða um 64 milljarðar USD. Það sem af er þessu ári hefur þetta met verið sprengt svo um munar. Fyrstu fimm mánuðina 2008 voru kolefnisviðskiptin um 70 milljarðar dollara. Og það eru enn sjö mánuðir eftir af árinu!

Mest eru viðskiptin á evrópska kolefnismarkaðnum; European Climate Exchange (ECX). Þessi bisness fer líka ört vaxandi í Bandaríkjunum þar sem Chicago Climate Exchange er stærstur, en NYMEX er líka nýbyrjað með þessi viðskipti. Sama er að segja um kauphöllina í Montreal; Montreal Climate Exchange. Og nokkrar kauphallir í Asíu eru nú að spá í að opna á þessi viðskipti, svo og í Ástralíu.

Þetta er reyndar ekkert dekurmál eða smotterí. Eins og sumir virðast halda, af þeirri ástæðu einni að þetta er "grænt og vænt". Til eru fjármálastofnanir sem spá því að viðskipti með carbon credits verði innan fárra ára stærsti commodity market heimsins. T.d. bæði Barclays og Fortis.

Hvenær hefjast viðskipti með kolefnisheimildir á Íslandi? Æ, ég gleymdi því að hér ætlar ríkið að vera með skítuga puttana í þessu. Láta almenning blæða með skattlagningu og líklega áfram gefa stóriðjunni ókeypis heimildir. Við búum nefnilega í Litla-Sovét.

Og vegna fréttarinnar um kolefnisskattinn: Mér sýnist vera í uppsiglingu slæmt og ósanngjarnt kolefnisskattkerfi á bíla. Fæ ekki betur séð en að ríkið ætli enn einu sinni að fara að stýra því hvernig bíla fólk kaupir sér. Leyfum fólki að ráða því hvernig bílum það vill aka á og höfum skattlagninguna jafna; sömu vörugjalds-prósentu á allan bílaflotann!

Bensínhákar óseljanlegir?

Athugasemdir

[gfs (IP-tala skráð) 3.6.2008 kl. 19:28]

Hverjir eru að versla með carbon credits? þjóðir eða stórfyrirtæki?

Ég er nú steinhættur að skilja allt þetta í kringum kolefnisjöfnunaræði.  Er þetta ekki bara kvótar einsog tíðkast í kringum sjávarútvegin.  Og hverjir gefa þá út þennan kvóta?