Breskir fjölmiðlar gera mikið úr orkuskorti

Sífellt meira sést fjallað um það álit breska raforkudreififyrirtækisins (UK National Grid) að raforkuskortur vofi yfir Bretum.

Þann 15. okt s.l. mátti t.d. lesa frétt um þetta í Financial Times (FT) undir fyrirsögninni David Cameron calls high-level talks on energy crunch. Fréttin hófst á eftirfarandi:

Downing Street has called a top-level meeting next week to discuss the UK’s growing energy supply crunch, the Financial Times has learnt, as new figures lay bare how close the gap is between supply and demand.

Þann 3. nóvember skrifar FT fleiri fréttir um þetta mál: National Grid warns of ‘tight’ winter as new chief named og UK turns to diesel to meet power supply crunch. Og þann 4. nóvember skrifar FT: National Grid hits power crisis point. Þar sagði m.a.:

The scale of Britain’s energy supply crunch was laid bare on Wednesday as an unexpected outage of power plants sent wholesale electricity prices soaring and prompted the grid operator to call for the first time ever for industry to reduce power.

Þetta eru einungis órfá dæmi um þær fjölmörgu fréttir sem birst hafa í breskum miðlum síðustu daga og vikur um þessa alvarlegu stöðu á breska orkumarkaðnum. Og svona má halda áfram. Nefna má frétt Guardian frá 5. nóvember, National Grid spends more than £2.5m to prevent power shortages, og frétt Guardian frá 6. nóvember; National Grid makes urgent call for companies to reduce electricity usage. Og þannig má lengi telja.

Með þetta í huga kemur varla nokkrum á óvart áhugi Breta á að verja miklum fjárhæðum í byggingu nýs stórs kjarnorkuvers og fjölda vindorkuvera. Enn einn mikilvægur þáttur í orkustefnu Bretlands felst svo í því að auka sæstrengstengingar við nágrannalöndin. Og eins og lesendum Orkubloggsins er sjálfsagt kunnugt um er þar m.a. horft til sæstrengs milli Bretlands og Íslands.

Þar má gera ráð fyrir að samið yrði um raforkuverð sem myndi skila Íslandi nettóverði á bilinu 80-140 USD/MWst. Það hlyti að teljast þokkalegt verð - þegar t.d. haft er í huga að nú eru álverin á Grundartanga (Norðurál/ Century Aluminum) og Reyðarfirði (Fjarðaál/ Alcoa) að greiða orkuverð á bilinu 10-15 USD/MWst. Fyrir um helminginn af allri raforkuframleiðslu Landsvirkjunar.

Með hliðsjón af þessum verðum ætti ekki að koma neinum á óvart að talsmenn og fótgönguliðar álveranna keppast nú um að tala sæstrengsverkefnið niður. En sá áróður er máttvana. Því að sjálfsögðu mun íslenskur almenningur og íslenskir stjórnmálamenn láta þetta mál ráðast af þjóðarhag en ekki þröngum sérhagsmunum.

Athugasemdir

[Óskar Helgi Helgason (IP-tala skráð) 9.11.2015 kl. 16:07]

Sæll Ketill - sem og aðrir gestir, þínir !

Og - er það eitthvert sér-verkefni Íslendinga, að hlaupa undir bagga með Bretum eða öðrum yfirleitt / þá orku tekur að þverra heima fyrir hjá þeim, af einhverjum ástæðum ?

Svo væri ágætt Ketill: að þú mannaðir þig upp í - hér:: á síðu þinni, að upplýsa okkur hin um réttlætingu þess, að Raforkuverð þyti upp um,, cirka 70% hið minnsta - 150/160% jafnvel: til heimila og fyrirtækja, tækist þér, sem öðrum liðléttingum innlendra sem útlendra fjárplógs- og ofurgróða lýðs, að búa frekar í haginn, fyrir þessar heimskulegu fyrirætlanir, um sæstreng raforku, héðan frá landinu: yfirleitt.

Og - síðast en ekki sízt, í hverra þágu rekur þú þennan megna áróður, fyrir glópzku þessarri ?

Ertu kannski: innvinklaður í söfnuð Harðar Arnarsonar Landsvirkjunar stjóra ?

Hörður Arnarson - ber utan á sér eiginhagsmuna potið og sérgæzkuna / svona viðlíka, og fígúra svonefndrar Kauphallar syðra:: Páll nokkur Harðarson.

Tek fram: að viðhorf mín, hafa ekkert með stóriðju / ekki stóriðju í landinu að gera, síðuhafi góður.

Þessir piltar tveir: eru ekki samfélaginu Túskildings virði, nema gróða hyggju packinu, Ketill minn !

Með: fremur þurrum kveðjum af Suðurlandi - sem oftar, og áður / 

Óskar Helgi Helgason, 

Sérhæfður fiskvinnzlumaður, og fyrrum Blikksmíða nemi.

[Ketill Sigurjónsson, 9.11.2015 kl. 16:22]

Óskar Helgi; ég bara nenni ekki að eyða tíma í að svara svona þusi. En lesendum þætti vafalítið áhugavert að heyra röksemdir eða útskýringar þínar á því af hverju raforkuverð hér til heimila og fyrirtækja myndi hækka um 70-160% vegna sæstrengs. Þér er frjálst að nota athugasemdakerfið hér til að færa rök fyrir því.

[Óskar Helgi Helgason (IP-tala skráð) 9.11.2015 kl. 16:36]

Sæll á ný - Ketill !

Nei: líkast til, kynni það að verða samvizku þinni ofviða, að reyna að svara réttmætum ákúrum mínum, svo duga mætti, Ketill minn.

Þus mitt - eins og þú kýst að kalla, kristallazt dags daglega, í óboðlegum og ósiðlegum starfsháttum Landsvirkjunar stjóra, og fylgjara hans, í stigmögnun verðhækkana til almennings, sem og alls lags braski með fjármuni þessa fyrirtækis, sem honum er trúað fyrir - og á jú víst:: að kallazt okkar sameiginlega eign - allavegana, á tylli- og snobbdögum, hinna útvöldu.

Óþarft með öllu Ketill: að kalla eftir frekari rökstuðningi af minni hálfu / handaverk þessa barskara liðs, eru landsmönnum augljós, upp á hvern einasta dag, þökk sé stórbættri fjarskipta tækninni, að nokkru.

Þakka þér gestrisnina Ketill - að þinni annarrs ágætu síðu, þrátt fyrir hyldjúpan hugmundafræðilegan mun, okkar viðhorfa í þessum efnum / þó ég voni, að þú náir að tendra skilnings kveik þinn - þó síðar verði.

Hinar sömu kveðjur samt - sem áður / unz: leiðir nái að leggjast saman, í einhverjum mæli, þó síðar yrði //      

[Ufsi (IP-tala skráð) 10.11.2015 kl. 03:21]

Og Bretar horfa til Noregs með að fá ódýra raforku; "According to the government, the link will help the UK benefit from Norway's cheaper electricity prices. It estimates that the interconnector will deliver consumer benefits of up to £3.5bn through to 2040." þeir fara ekki að greiða okkur margfalt það verð sem þeir ætla að greiða Norðmönnum eins og þú heldur. "..will deliver consumer benefits.." þýðir að verðið verður það lágt að neitendur munu sjá verðlækkun.

Því má gera ráð fyrir að samið yrði um raforkuverð sem myndi skila Íslandi að hámarki 65 USD/MWst, sem er það verð sem Bretar eru núna að kaupa innflutt rafmagn á. Sem er hærra en það verð sem Norðmenn ætla að selja þeim rafmagnið á. Þá á eftir að draga frá hagnaði okkar flutningskostnaðinn og afföll á leiðinni. Og svo er sá möguleiki sterkur að Norðmenn undirbjóði okkur og þá verður enginn hagnaður og Bretar stórgræða.

Með hliðsjón af þessu ætti ekki að koma neinum á óvart að talsmenn og fótgönguliðar Breta keppist nú um að tala sæstrengsverkefnið á koppinn. En rangfærslurnar eru augljósar og áróðurinn er máttvana. Því að sjálfsögðu mun íslenskur almenningur ekki láta blekkjast og íslenskir stjórnmálamenn láta þetta mál ráðast af þjóðarhag en ekki þröngum sérhagsmunum Breta og þeirra flugumanna.

[Ketill Sigurjónsson, 10.11.2015 kl. 08:33]

Það er gott að Ufsi er búinn að ákveða hvaða orkuverð Bretar eru tilbúnir að bjóða fyrir íslenska raforku. Hvort hann hefur rétt fyrir sér eða ekki, kemur vonandi í ljós í þeim viðræðum sem nú eru að byrja í vinnuhópi sem stjórnvöld landanna hafa komið á fót. En það er dapurlegt að Ufsi treysti sér ekki til að koma fram með skoðanir sínar undir fullu nafni.

[Ketill Sigurjónsson (IP-tala skráð) 10.11.2015 kl. 09:55]

Ég er ekki búinn að ákveða hvaða orkuverð Bretar eru tilbúnir að bjóða fyrir íslenska raforku eins og þú gerir. Ég er bara að benda á hæsta verð sem þeir greiða nú þegar fyrir innflutta raforku og að þeir búist við að fá hana ódýrari frá Noregi. Hvers vegna við ættum að fá margfalt það verð eins og þú boðar er mér hulin ráðgáta.

Og ef nafnleyndin fer í taugarnar á þér þá er einfalt að stilla bloggið þannig að aðeins skráðir notendur fái að kommenta. Það er eina leiðin til að vera viss um að sá sem kvittar undir sé að nota rétt nafn. Samanber það að ég, Ufsi, get notað þitt nafn.........

...                                     Ketill Sigurjónsson, 10.11.2015 kl. 09:56

[Ketill Sigurjónsson, 10.11.2015 kl. 14:18]

Ufsi; ég er núna búinn að breyta stillingunni því mér þykir eðlilegt að fólk sé ekki að villa á sér heimildir hér.

Skv. breskri löggjöf eru CfD-samningar heimilir vegna raforku sem kemur frá öðrum löndum um sæstreng. Strengur milli Bretlands og Íslands er dýrara verkefni en milli Bretlands og Noregs. Miðað við núverandi orkuverð á breskum raforkumarkaði er ekki mögulegt að unnt verði að ráðast í IceLink nema gegn hærra verði. Fyrir Breta yrði slíkur strengur hagkvæmari en t.d. samningar um vindorku jafnvel þó svo raforkuverðið vegna íslensku orkunnar yrði á bilinu 80-140 USD/MWst. Slíkur samningur væri því skynsamur fyrir bresk stjórnvöld. En hvort slíkur samningur verður að veruleika á eftir að koma í ljós.